Kërkesat e politikave:

Të mbijetuarit, prindërit, mësuesit, qeveritë, sektori privat dhe aleatët tanë po bashkohen rreth një thirrjeje për t’i dhënë fund dhunës seksuale ndaj fëmijëve në Evropë dhe në nivel global. Së bashku, ne mund dhe duhet t’i japim fund dhunës seksuale ndaj fëmijëve në Evropë duke miratuar ligje që e bëjnë të vështirë ose të pamundur që fëmijët të abuzohen në internet.

Ne duam që BE-ja të rrisë përpjekjet e saj për të mbështetur dhe për të ndihmuar të mbijetuarit e abuzimit seksual të fëmijëve.

Për këtë qëllim:

Ne mbështesim Rregulloren për Parandalimin dhe Luftimin e Abuzimit Seksual të Fëmijëve, të propozuar nga Komisioni më 11 maj 2022, dhe bëjmë thirrje për miratimin e shpejtë të saj. Në veçanti, ne bëjmë thirrje për:

• miratimin e detyrimeve të propozuara për ofruesit e shërbimeve në internet për të parandaluar, për të zbuluar, për të raportuar dhe për të hequr abuzimet seksuale të fëmijëve në internet, për t’i dhënë fund riviktimizimit të vazhdueshëm të të mbijetuarve dhe për të mundësuar shpëtimin e shpejtë të viktimave nga abuzimi i vazhdueshëm ose i afërt;
• krijimin e Qendrës së propozuar të BE-së për parandalimin dhe luftimin   e abuzimit seksual të fëmijëve, e fuqizuar për të lehtësuar ndihmën dhe mbështetjen efektive të të mbijetuarve në të gjithë Bashkimin Evropian.

Ne i bëjmë thirrje BE-së që  në rishikimin e ardhshëm të Direktivës 2011 për luftimin e  abuzimit seksual më fëmijët, të përfshijë obligime për Shtetet Anëtare që:

• të sigurohet që ekzistojnë mekanizma efektivë për të raportuar abuzimin seksual të fëmijëve dhe që të vendosen mjete efektive hetimore për të identifikuar viktimat dhe për t’i shpëtuar ato sa më shpejt që të jetë e mundur nga abuzimi i vazhdueshëm;
• të sigurohet që afatet e parashkrimit penal në rastet e abuzimit të fëmijëve të zgjaten sa më shumë që të jetë e mundur;
• të njihen zyrtarisht të mbijetuarit që kanë vuajtur nga ndonjë formë e abuzimit ose e shfrytëzimit seksual të fëmijëve;
• pajtimi me standardet dhe praktikat më të mira ndërkombëtare në lidhje me njohjen, rivlerësimin dhe kërkimfaljen përabuzimet ekaluara dhe format e riparimit.

Nisma “Justice Initiative” (Nisma për drejtësi) është një nismë e Fondacionit “Guido Fluri” që mbulon të gjithë Evropën, ndërsa  “Call for Action” (thirrje për veprim) është një nismë e kufizuar për 27 vendet anëtare të Bashkimit Evropian në mbështetje të propozimit legjislativ të Komisionit Evropian.